புலிப்பாணி ஜோதிடம் 300 - பாடல் 286

மூன்றவன் திசை நீகேளு --மாதே மூணேழில் மும்மூன் றிலக்கினமேற நாணயவீரியமுண்டு நல்ல போகமும் சேவகம் கலந்து சொல்தோழி சங்கர சங்கர சம்போ சிவ சங்கர சங்கர சங்கர சம்போ

இனி மூன்றுக்குடையவன் திசையைப் பற்றிச் சொல்வேன். அதனையும் நன்கு கேட்பாயாக! இம்மூன்றுக்குடையவன்3, 7, 9 ஆகிய இடங்களில் அமர்ந்தானேயென்றால் சொல் தவறாத நாணயமும் நல்வீரமும் உண்டாம். அதோடு பொறுப்பான சேவகத்தால் பெரும்போக பாக்கியம் அடைவான் என்பதையும் கூறுவாயாக என்று போகர் அருளால் புலிப்பாணி புகன்றேன்.